Cynhadledd Dysgu ac Addysgu
Pryd: 30 Mawrth 2012
Ble: Canolfan yr Holl Genhedloedd, Caerdydd
Beth: Y gynhadledd gyntaf ar ddysgu ac addysgu ar gyfer colegau addysg bellach (AB) yng Nghymru, bwrieda’r gynhadledd hon atgyfnerthu dysgu ac addysgu fel prif flaenoriaeth colegau AB Cymru.
Pam: Dywed adroddiad flynyddol ddiweddaraf Estyn (2009/10) na ddyfarnwyd graddau 'rhagorol' ar gyfer dysgu ac addysgu yn ystod y flwyddyn flaenorol, a thros y cylch arolygu chwe blynedd diwethaf, dim ond 21% oedd wedi derbyn dyfarniad addysgu 'rhagorol'.
Themâu:
- Asesu Ffurfiannol
- Strategaethau Dysgu Gwahaniaethol
Trefnir gan: ColegauCymru mewn partneriaeth â Llywodraeth Cymru
Arweinir gan: Geoff Petty
Geoff yw awdur Teaching Today, brig-lyfr y DU ar hyfforddi athrawon. Mae ganddo , enw da am egluro materion dysgu ac addysgu mewn ffordd fywiog ac sy’n ysbrydoli ond sydd hefyd yn ymarferol. Mae Geoff wedi gweithio fel ymgynghorydd gyda mwy na 200 o golegau, a chydag amryw gorff addysgol, yn Lloegr yn bennaf. Mae Geoff yn cyfrannu at gynadleddau dysgu ac addysgu ledled y DU. Mae e wedi gweithio fel athro ffiseg, hyfforddwr athrawon, ac fel rheolwr datblygu dysgu. Bu i lyfr Geoff, Evidence Based Teaching (2006), ennill cymeradwyaeth gan ysgolheigion ac ymarferwyr dysgu. Ymwelir â’i wefan www.geoffpetty.com rhyw 2,000 o weithiau’r wythnos.
Nodau:
- Darparu cyfle datblygu proffesiynol ar gyfer staff addysgu mewn sefydliadau AB yng Nghymru
- Deall egwyddorion ac effeithiolrwydd asesu ffurfiannol
- Hyrwyddo defnydd y strategaethau addysgu gwahaniaethol sy’n cyrraedd anghenion dysgwyr
- Adnabod dulliau dysgu ac addysgu cyfranogol effeithiol sy’n gwella canlyniadau dysgwyr
- Annog y defnydd o: arbrofi dan gefnogaeth, a chymunedau gweithredu proffesiynol
- Rhannu arferion a thechnegau addysgu llwyddiannus ar draws colegau AB Cymru.
Cynulleidfa darged
Rheolwyr ansawdd, hyrwyddwyr dysgu, rheolwyr datblygu staff, ymarferwyr uwch, rheolwyr timau dysgu, athrawon, arsyllwyr addysgu.
Cost: £32 y pen. Archebwch yma.
Pecyn y gynhadledd
Bydd cyfranogwyr yn derbyn pecyn swmpus o ddeunyddiau Geoff Petty ar y diwrnod.
Rhaglen
Cynhadledd Dysgu ac Addysgu 30Maw2012: Rhaglen